Бүгүн, Норуоттар сомоҕолоһууларын күнүгэр, А.Д. Макарова аатынан Дьокуускайдааҕы култуура уонна ускуустуба коллеһын устудьуоннара Улан-Удэ куоракка Бурятия бырабыыталыстыбата тэрийбит “Бары бииргэ” диэн улахан бырааһынньыктааҕы кэнсиэригэр кытыннылар. Устудьуоннар Сахабыт сирин Эллэй саҕаттан устуоруйатын кэпсиир ураты нүөмэри көрдөрдүлэр. Бу кэнсиэргэ анал байыаннай дьайыыларга ыҥырыллан барбыт биир дойдулаахтарбыт сырыттылар.
Колледж дэлэгээссийэтэ саха саллааттарыгар өттүк харалаах, илии тутуурдаах тиийдэ. Дойду ахтылҕаннаах аһын-үөлүн, алгыстаах күндү кэһиитин уолаттарга тутатына тиксэрдилэр. Айар бөлөх салайааччыта, колледж дириэктэрэ, Саха сирин айар үлэһиттэрин сойууһун бэрэссэдээтэлэ Захар Никитин ол туһунан маннык кэпсээтэ:
- Колледж хас биирдии преподавателэ уолаттарга анаан, бэйэтин үтүө санаатын, илиитин сылааһын иҥэрэн, алаадьы, бэрэски астаан, собо ыһаарылаан ыыппыта. Ону сэргэ кэһиилэргэ “Центрострой” тэрилтэ генеральнай дириэктэрэ Григорий Иванов, “Кыым” хаһыат, Өксөкүлээх Өлөксөй аатынан Норуоттар доҕордоһууларын дьиэтин иһинэн үлэлиир эбээлэр кулууптара кыттыстылар. Онон байыастарбыт бэйэ аһын аһаан, эбээлэр алгыстаах харысхалларын тутан, “Кыым” хаһыат буруолуу сылдьар саҥа нүөмэрин ааҕан олус астыннылар. Биһиги биир дойдулаахтарбытын үөрдэн эмиэ олус астынныбыт. Уолаттар “Саха сириттэн маннык, анаан-минээн кэлэн, көрсөн бардахтарына, сүрдээҕин түмсэбит, сомоҕолоһобут”диэн санааларын эттилэр, махтаннылар.
Захар Николаевич иһитиннэрбитинэн, айар бөлөх олохтоох артыыстары кытта сэтинньи 6-c күнүгэр 11-с байыаннай чааска патриотическай хабааннаах кэнсиэр көрдөрүөхтээх. Бу гарнизоҥҥа аҕыйах күнүнэн Украинаҕа көтөөрү сылдьар уолаттар бааллар. Кинилэр сахалыы ырыаны-үҥкүүнү көрөөрү, оһуохайдаары айар бөлөҕү олус кэтэһэллэр, “дойдубут алгыһын тутан, үҥкүүлээн бардарбыт, санаабыт бөҕөх буолуох этэ” дэһэллэр эбит.
СӨ Бырабыыталыстыбатын, Култуура уонна духуобунай сайдыы министиэристибэтин көҕүлээһининэн тэриллибит айар бөлөххө СӨ култууратын үтүөлээх үлэһитэ Мария Боппоенова салайааччылаах «Эйгэ» норуот ансаамбыла, Сергей Зверев-Кыыл Уола аатынан Үҥкүү национальнай тыйаатырын солистара, СӨ үтүөлээх артыыһа Василий Еремеев уонна ырыаһыт Виктор Иванов-Сиэйэ Уола бааллар.
Бэйэ кэрр.
Хаартыска: Анастасия Филиппова, СИА; Захар Никитин
Сэҥээриилэр
I have a presentation next week, and I'm on the look
for such information.
Also visit my homepage: Hona CBD Gummies Review: http://familysafeil.com/__media__/js/netsoltrademark.php?d=wapblogs.eu%2Fejuz.php%3Furl%3Dhttps%3A%2F%2Fhonacbdgummies.org
Also visit my website - affordable seo Services: http://ig.udns.kr/bbs/board.php?bo_table=free&wr_id=10255