Cаха сирин 10 сэлиэнньэтигэр саҥа “Экстра Синема” киинэ саалалара үлэлээн эрэллэр. Онон, аҕыйах күнүнэн олохтоохтор саҥа тэрилгэ Дмитрий Давыдов «Песни лета» уонна Степан Бурнашев «Биһиги кыһыммыт» киинэлэрин премьераларын көрүөхтэрэ.
Саҥа киинэ саалалара Үөһээ Бүлүү Сайылык, Горнай Дьиикимдэ, Маҕарас, Кэбээйи Кэбээйи, Мэҥэ Хаҥалас Төҥүлү, Нам Аппааны, Ньурба Антоновка, Уус Алдан Оҕуруоттаах, Сыырдаах, Чурапчы Дьабыыл сэлиэнньэлэригэр баар буоллулар.
Бастакы 10 проектор оҥоһуллан тахсыытын СӨ Култуура уонна духуобунай садыы министиэристибэтэ үбүлээбит. “ECP-221” киинэ проекторын “Якутия” технопаркаҕа оҥорон таһаардылар. Чаастарын доҕордуу дойдуларыттан ылбыттар. Бырагыраамата – бэйэ киэнэ. Саҥа тэрил киинэни 10 миэтирэ кэтиттээх экраҥҥа тупсаҕай өҥүнэн көрдөрөр кыахтаах.
Ил Дархан Айсен Николаев иилээн-саҕалаан олоххо киллэрбит бырайыага федеральнай былаас уорганнарыгар биһирэннэ. Программистар өссө 4К ойууну көрдөрөр проекторы оҥорон тургута сылдьаллар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
