Киир

Киир

Сэтинньи 13 күнүгэр Дьокуускай куорат дьаһал­татын үөрэх управлениета “Об организации образовательного процесса в муниципальных образовательных учреждениях городского округа “город Якутск” в период отмены учебных занятий по климатическим, санитарно-эпидемиологическим условиям и иным обстоятельствам” 01/10-804 №-дээх бирикээс балаһыанньатын таһаарда.

Бирикээскэ ыйылларынан, 1–5-с кылаас үөрэнээччилэрэ тыала суох буоллаҕына, –45 кыраадыстан тымныыга үөрэм­мэттэр. Өскөтүн сөкүүндэҕэ 1 миэтэрэ түргэннээх тыаллаах түгэнигэр – 44С0, 2 м/с – 43С0, 3-5 м/с – 42 кыраадыстан үөрэхтэрэ тохтуур.

1–8-с кылаас үөрэнээччи­лэрэ тыала суох күҥҥэ –48 кыраадыстан аллара үөрэм­мэттэр. 1 м/с тыаллаахха – 47С0, 2 м/с – 46С0, 3-5 м/с – 45 кыраадыс тымныы күннэр актированнайынан ааҕыллаллар.

–50 кыраадыс тымныыга (тыала суохха) кылааһыттан тутулуга суох үөрэнээччи барыта үөрэммэт. Онтон 1 м/с тыал­лаах буоллаҕына, –49 кыраадыска үөрэхтэрэ тохтуур. 2 м/с – 48С0, 3-5 м/с – 47 кыраадыска үөрэммэттэр.

Актированнай күн буолбутун туһунан иһитиннэриини үөрэнээччилэр, төрөппүттэр (сокуоннай бэрэстэбиитэллэр) иһитиннэрэр-биллэрэр эйгэ нөҥүө, чуолаан СӨ ГБУ, “Саха” ГТРК араадьыйа ханаалларын уонна “Якутск.рф” Дьокуускай куорат дьаһалтатын официальнай саайтыттан билиэхтэрин сөп.

Көстөр бириэмэтигэр иһи­тиннэрэр-биллэрэр эйгэ тэрилтэлэрин кытта сөбүлэҥ тү­һэрсиэхтэрэ, ону дьаһалта үөрэҕин управлениета бигэргэтиэҕэ.

Дьокуускай куорат дьаһалтатын
пресс-сулууспатын
матырыйаалларынан
Тарҕат:

Санааҕын суруй