Национальнай мэдиссиинэ киинин Перинатальнай кииниттэн Ньурба улууһун Васильевтар дьиэ кэргэннэрин үс игирэтин үөрүүлээхтик таһаардылар. Александралаах Владимир алтынньы 26 күнүгэр үс уолга биирдэ күн сирин көрдөрөн үс бүк үөрүүнү биллилэр. Кинилэр өссө кыыс уонна уол оҕолоохтор. Онон, аны биэс оҕолоох ыал ахсааныгар киирэллэр.
Быраастар кыһамньылаах сыһыаннарынан, оҕолор этэҥҥэ сайдан, улаатан эрэллэр. Төрөппүттэр уолаттарын Сандал, Эрчим, Уйгун диэн сахалыы ааттаабыттар.
Оҕолорго судаарыстыба уонна өрөспүүбүлүкэ таһымнаах босуобуйалары аныылларын таһынан, Саха АССР төрүттэммитэ 100 сылынан 100 тыһ. солк. сууммалаах сэртипикээттэри биэриэхтэрэ.
Түмүктээн эттэххэ, Сахабыт сиригэр 2022 сылга үс дьиэ кэргэҥҥэ үс игирэ биирдэ төрөөбүт. Оттон былырыын – биэс дьиэ кэргэҥҥэ.
Сонун төрдө: СӨ Үлэ уонна социальнай сайдыы министиэристибэтин пресс-сулууспата
