Киир

Киир

Сэтинньи 22 күнүгэр, Саха тылын учууталларын II-с сийиэһин чэрчитинэн, СӨ  Национальнай бибилэтиэкэтигэр Саха Өрөспүүбүлүкэтин судаарыстыбаннай  уонна официальнай тылларын  интерактивнай түмэлин үөрүүлээхтик арыйдылар.  

Порталы СӨ Бырабыыталыстыбатын уонна Ил Дарханын дьаһалтатын Тыллары сайыннарыыга управлениетын салайааччыта Римма Романовна Жиркова көҕүлээһининэн оҥорбуттар.  

Биэдэмистибэлэр кыттыгас бырайыактарыгар Арассыыйа билимин академиятын  Сибиирдээҕи салаатын Гуманитарнай чинчийии уонна хотугу аҕыйах ахсааннаах норуоттаркыһалҕаларын институтун, Арктикатааҕы судаарыстыбаннай култуура уонна ускуустуба  институттарын, М.К. Аммосов аатынан ХИФУ уонна СӨ Национальнай бибилэтиэкэтин үлэһиттэрэ уонна исписэлиистэрэ үлэлэспиттэр.  

WhatsApp Image 2022 11 22 at 10.58.50 1

Интерактивнай түмэлгэ өрөспүүбүлүкэ судаарыстыбаннай уонна информация официальнай тылларын туһунан информация,  тылы харыстааһыҥҥа уонна сайыннарыыга сыһыаннаах нуорма-быраап акталара, ону сэргэ тыллар бүгүҥҥү туруктарын көрдөрөр чахчылар уонна тыллары үөрэтэргэ анаммыт матырыйааллар бааллар.

Бибилэтиэкэ дириэктэрэ  Саргылана Васильевна Максимова портал контена саҥардылла туруоҕа диэн тоһоҕолоон эттэ. Билигин манна 400 мультимедийнай эбийиэк: тиэкис, хаартыска, аудио- уонна видеоматырыйаал киирэн турар. Порталга бибилэтиэкэ new.nlrs.ru. сигэтинэн киириэххэ сөп.  

Сонун төрдө: СӨ Национальнай бибилэтиэкэтин медиа-киинэ

 

Тарҕат:

Санааҕын суруй