Бүгүн, сэтинньи 23 күнүгэр, Саха Өрөспүүбүлүкэтин инновацияҕа, сыыппара сайдыытыгар уонна инфокоммуникационнай технологияларга миниистирэ Анатолий Аскалонович Семенов төрөөбүт күнэ.
Ытыктабыллаах Анатолий Аскалонович!
«Ситим» медиа-бөлөх уонна бэйэм ааппыттан төрөөбүт күҥҥүнэн эҕэрдэлиибин! Эйигин төрөөбүт дойдутугар чахчы кыһаллар үрдүк таһымнаах салайааччы, стратег, бэлиитик уонна уопсастыбаннай диэйэтэл быһыытынан билэбит. Эн быһаччы салайыыгынан инновация кэскиллээх хайысхаларын, сонуну киэҥник тарҕатар уонна бэчээт эйгэлэрин сайыннарыы ситиһиилээхтик баран иһэр. Биһиги эн сытыы кыһалҕалары быһаарарга суолу-ииһи түргэнник тобулар сатабылгын үрдүктүк сыаналыыбыт.
Талан ылбыт хайысхаҕар өссө да элбэх сонун бырайыак, хорсун санаа олоххо киирэригэр баҕарабыт! Саҥа саҕалааһыннаргыт үрдүк көрдөрүүлээх уонна үтүө түмүктэээх буоллуннар! Өрөспүүбүлүкэбит сыыппара сайдыытыгар бастыҥнар ахсааннарыгар киирдин!
Ол туһугар чөл туруктаах, элбэх эрчимнээх, көхтөөх хамаандалаах буол!
Владимир Степанов, «Ситим» медиа-бөлөх генеральнай дириэктэрэ
