Киир

Киир

Бүгүн Николай Дегтярев салайааччылаах СӨ идэлээх сойуустарын бэдэрээссийэтэ анал байыаннай дьайыыларга кытта сылдьар биир дойдулаахтарбытыгар хомуйбут көмөтүн “Якутия с тобой!” уопсастыбаннай хамсааһын штабыгар тиэртэ. Маны сэргэ, эмиэ бу күн штабка Ил Түмэн дьокутаата Мария Христофорова   уонна "Кыым" хаһыат үлэһиттэрэ көмөлөһө тиийдилэр.

A2D3CD17 B530 4A87 98C2 7A829325061A

Дьокутаат штаб хайдах үлэлии турарын, билигин туох кыһалҕалар баалларын билистэ. Маны таһынан, Мария Николаевна штабка “илии-атах” тиийбэтин, онон аҕыйах да чаас кэлэн үлэлээн барар дьоҥҥо олус наадыйалларын бэлиэтээтэ:

709c6866 13e6 4c09 8f6e b928d8f5172d 1

- Штаб үлэтэ олус үчүгэйдик тэриллибит диэн сыаналаатым. Аана сабыллыбат, үлэ күөстүү оргуйар. Өрөспүүбүлүкэ, куорат тэрилтэлэриттэн, улуустартан, нэһилиэктэртэн көмө киирэ турар. Уонна биирдиилээн байыастар ааттарыгар баһыылкалары эмиэ манна аҕалан туттараллар. Хас кэлбит көмө барыта суоттанан-учуоттанан докумуоҥҥа киирэр, түөрт өттүттэн бэчээттэнэн, туох ханна барара ыйыллан, биир дойдулаахтарбыт сылдьар сирдэригэр айанныыр. Бу үлэни барытын былырыын уот алдьархайыгар улахан үлэни ыыппыт уопсастыбанньык Айыл Дьулурҕа сүрүннүүр. Көстөрүн курдук, үлэ кээмэйэ олус улахан. Ол иһин баҕалаах дьону, штабка эрийэн чаас болдьоһон бараҥҥыт, кэлэн көмөлөһөргүтүгэр ыҥырабын.

Түс бэйэм манна “Кыым” хаһыат үлэһиттэрин кытта кэлэ сылдьабын. Анал байыаннай дьайыы саҕаланыаҕыттан“Кыым” хаһыат уонна “Кыым.ру’ саайт дойдуга үөскээбит балаһыанньаны, анал байыаннай дьайыы хаамыытын, хомуур кыһалҕаларын уонна ыҥырыллан барбыт биир дойдулаахтарбыт кыттыыларын киэҥник сырдатар. Ол тэҥэ, “Ил Түмэн” хаһыат уонна “Сахапарламент.ру” суруналыыстара бу хайысханы эмиэ ылсан үлэлииллэр.

“Кыым” хаһыат харчы хомуйуутугар хаста да кыттыһан турар. Оттон бүгүн үлэһиттэр Өктөөп күнүгэр анаан тэрийбит “Саныаҕыҥ, доҕотоор, ааспыты!” кэнсиэртэригэр киирбит харчынан байыастарга тыын суолталаах сылаас таҥаһы-сабы атыылаһан туттардылар. Манан муҥурдаммакка, өссө да көмөлөһөр санаалаахпыт. Бу биһиги барыбыт ытык иэспит. Уонна, дьокутаат буоларым быһыытынан, анал байыаннай дьайыылартан эмсэҕэлээбиттэр кыһалҕаларын быһаарыыга үлэлии сылдьабын уонна көмөлөһөргө бэлэммин диэн этиэхпин баҕарабын.

c1f6ba24 be36 4243 b7f5 03dc34e81f57

Манна даҕатан эттэххэ, Мария Христофорова соторутааҕыта Ньурба Мархатыттан төрүттээх Геннадий Алексеев диэн эдэр уол, бу сайыҥҥыттан күһүҥҥээҥҥэ диэри анал байыаннай дьайыыга улаханнык эчэйэн, Бурденко госпиталыгар сытарын булан тиийэн, аһаҕастык кэпсэппитэ парламент хаһыатыгар тахсыбыта. Оттон бүгүн Мария Николаевна Геннадий сотору дьиэтигэр саҥа дьыллыы кэлэрин туһунан үөрүүлээх сонуну туппут. Кини, бу уол күүстээх санаатын холобурдаан, кыайыыны чугаһатар туһугар түмсэн, анал байыаннай дьайыыларга сылдьар уолаттарбытыгар бары күүскэ көмөлөһүөҕүҥ диэн ыҥырар.

Мария Христофорова анал байыаннай дьайыыларга кытта сылдьар оҕолордоох, кэргэттэрдээх ийэлэргэ чугас дьонноро дьиэлэригэр этэҥҥэ эргиллэн кэлэллэригэр туохтааҕар да күүскэ баҕарар уонна бар дьону бу өрөбүлгэ бэлиэтэнэр Ийэ күнүгэр оҕолорун, кэргэттэрин кэтэһэр ийэлэргэ ураты болҕомтону ууруоҕуҥ диэн көрдөһөр.  

Иһитиннэриини бэлэмнээтэ КҮНДЭЛИ

Тарҕат:

Санааҕын суруй

Бүтэһик сонуннар