“Кыым” хаһыат суруналыыстара бу күннэргэ Бүлүү бөлөх улуустарыгар үлэлии сылдьаллар. Ол чэрчитинэн, бүгүн Бүлүү куоракка И.М. Гоголев-Кындыл аатынан киин бибилэтиэкэ иһинэн үлэлиир Ыччат бибилэтиэкэтин үлэтин-хамнаһын билистилэр.
Сүрүн бибилэтиэкэр Иванова Мария Андреевна бибилэтиэкэ үлэтин сырдатта: «Ыам ыйын 25 күнүттэн арыллан үлэлии турабыт. Нэдиэлэ устата ыччакка аналлаах 2-3 араас хабааннаах тэрээһиннэри, тематическай биэчэрдэри булгуччу ыытабыт. Ыччат түмсүүтүн кытта ыкса үлэлэһэбит. Бибилэтиэкэ саҥа дьиэтэ арыллыаҕыттан ыччат кинигэҕэ интэриэһэ улаатта, кинигэни уларсыы элбээтэ».
Суруналыыстар саҥа бибилэтиэкэ ис бараанын олус кэрэхсээтилэр. Бу өрөспүүбүлүкэҕэ ыччакка аналлаах маҥнайгы бибилэтиэкэ буолар.
Бэйэ кэрр.
