Киир

Киир

Ньурбаҕа «Кыталык» култуура дыбарыаһыгар «Кыым» хаһыат сурутааччыларын кытары көрсүһүүтүгэр хаһыат кылаабынай эрээдэктэрэ Иван Иванович Гаврильев Ньурба дьоно элэккэйдэрин, ыалдьытымсахтарын туһунан бэлиэтээн эттэ.

Кылаабынай эрэдээктэри кытта хаһыат эппиэттиир сэкирэтээрэ Мария Санникова, кэрэспэдьиэн Туйаара Сергеева-Туйаара Сиккиэр буоланнар Бүлүү бөлөх улуустарынан сурутуу хампаанньата барар кэмигэр анаан-минээн кэлбиттэр.

8B28A743 305A 418E 98BF A411762BED67

Кылаабынай эрэдээктэр Иван Гаврильев:

- Уонтан тахса сыллааҕыта «Кыым» хаһыат ахсаана 37 000 тиийэ сылдьыбыт буоллаҕына, билигин хаһыат ахсаана 14 500 тиийэр буолла. Манна улахан содулунан хамсык ыарыы, кэлин дойду үрдүнэн сааҥсыйа биллэриллэн ол содулуттан кыайан тахсыбакка турар. Уһук Илин хаһыаттар ортолоругар «Кыым» хаЇыат бастакылар ахсааннарыгар, Саха сирин улуустарыгар сурутуу чааһын ылан көрөр буоллахха, элбэх нэһилиэнньэлээх Мэҥэ-Хаҥалас улууһа саамай элбэх сурутааччылаах - Сунтаар, Бүлүү 2-3, Ньурба 4-с миэстэҕэ иһэр.

Киһи хаһыаты ааҕыахтаах, хаһыаты ааҕан киһи өйдүүн-санаалыын, уопсай билиини-көрүүнү ылар.
Ньурба улууһун олохтоохторо «Кыым» хаһыаты эрэ буолбакка, олохтоох улуускут хаһыатын суруттаран сонуну билэн олоҕу кытары тэҥҥэ хардыылааҥ, - диэн ыҥырда.

Хаһыат эппиэттиир сэкирэтээрэ Мария Санникова: -

- Кумааҕы хаһыат таһынан сахалыы тылынан kyym.ru сайты эрэдээктэр Мария Дегтярева-Күндэли салайан үлэлэтэр. Маны сэргэ, телеграм-ханаллаахпыт, kyym.ru улуустартан сонуннары, интэриэһинэй тэрээһиннэри, дьон туһунан суруйуулары сайтка тутатына таһаарар, - диэн сайт туһунан билиһиннэрдэ.

7A51DCE0 4E49 4608 A22C 5DD3ABB1617F

Сурутуу хампаанньатын чэпчэтиилээх сурутуу кэмигэр түөрт Бүлүү улуустары хабан кэлэн үлэлии сылдьалларын туһунан Туйаара Сергеева: -

Ааҕааччыларбытын кытары көрсүһүүгэ дьон туох өйдөөх-санаалаах тэринэн олороллорун, маны таһынан ааҕааччы этиитин болҕомтоҕо ылабыт, - диэн быһаарда. 

«Кыым» хаһыаты ааҕааччылар сонуннартан саҕалаан Владимир Степанов, Нина Герасимова, Саргылана Багынанова, Татьяна Захарова-Лоһуура, Туйаара Сиккиэр ыстатыйаларын сөбүлээн ааҕаллар. Хаһыат ыччаттарга аналлаах "Тэбэнэт", дьон олоҕор сыһыаннаах "Дьылҕа", "Имэҥ", "Аартык", саха дьонугар бырамыысылыннаска сыһыаннаан "Чаҕыл" уо.д.а. хаһыат туспа салааларын ааҕааччы болҕойон ааҕар.

Норуот хаһыатыгар «Кыым» хаһыакка суруттаран өрөспүүбүлүкэ интэриэһинэй сонуннарын, суруйууларыҥ ааҕыҥ диэн ыҥырабын.

Иһитиннэриини суруйда Антонина Семенова. Ньурба к.

Тарҕат:

Сэҥээриилэр

Мэхээс
0 Мэхээс 08.12.2022 21:15
Сунтаарга эмиэ сылдьан ааспыт курдук этилэр...
Ответить

Санааҕын суруй

Бүтэһик сонуннар