Киир

Киир

   “Центромед” мэдиссиинэ килииньикэтин флеболог,  ангиохирург, үрдүк категориялаах сүрэх уонна тымыр хирура  С. П. ГОРОХОВА идэтинэн үлэлээбитэ 20-чэ сыл буолбут. Саргылана Петровнаны кытта кэпсэтэ олорон, идэтин дьиҥнээхтик баһылаабыт, киэҥ билиилээх быраас быһыытынан сыаналыыгын.
 

 

   – Сүрдээх сэдэх идэлээх эбиккин дии.
   – Өрөспүүбүлүкэ үрдүнэн маннык “узкай” идэлээх исписэлиистэр 10-тан тахсабыт. Бары кэриэтэ Мэдиссиинэ киинигэр үлэлииллэр. Куорат бэликилииньикэлэригэр  суохтар.  2004 сыллаахха СГУ мэдиссиинэ институтун үөрэнэн бүтэрбит эдэр исписэлиис, Мэдиссиинэ киинигэр П.И. Захаров салайар кардиохирургия отделениетыгар  үлэлии кэлбитим. Ол курдук  Пётр Иванович сүдү оскуолатын ааһан 2013 сылга диэри кардиохирургияҕа үлэлээбитим. Кини курдук аатырбыт сүрэх хируругар үлэлээбиппинэн киэн туттабын. Онтон 2014 сылтан диагнозтыыр килииньикэ киинигэр (КДЦ) сүрэх-тымыр хирурунан үлэлии поликлиникаҕа көспүтүм.
   Билигин “Центромед” килииньикэҕэ флебология хайысхатыгар идэтийэн үлэлиибин. Ол эбэтэр атах тымырын ыарыытыгар (варикоз нижних конечностей) үлэлэһэбин.
   Биһиги өрөспүүбүлүкэбитигэр урут хаһан да арыллан үлэлии илик флебология отделениета “Центромедка” былырыын күһүҥҥүттэн, 2021 сылтан, арыллан үлэтин саҕалаабыта. Мин онно сэбиэдиссэйинэн ананан үлэлиибин. Бу иннинэ аҥаардас флебология  исписэлиистэрэ үлэлии олорбуттара.       
 
   Флебология – тымыры үөрэтэр, эмтиир мэдиссиинэ салаата. Ол эбэтэр тымыр тутулун уонна функциятын үөрэтэр уонна эмтиир мэдиссиинэ биир салаата буолар.
 
   Билигин элбэх үлэһиттээх, анал оборудованиеларынан (УЗИ), лазернай аппараатынан толору хааччыллан  үлэлии олорор отделение буолабыт.
   – Флебология диэн ол аата атах тымырдарын туруга буоллаҕа.
   – Атах тымырын туруга барыта киирэр. Сүрэх-тымыр ыарыылара бэйэ-бэйэлэрин кытта сибээстээхтэр. Ыарыһах варикоз ыарыытын саҥа саҕаланан эрдэҕинэ эмтэммэтэҕинэ, уустугуртаҕына тромбоэмбологияҕа уонна да атын ыарыыларга  кубулуйуон сөп. Бу ыарыы охсуута элбэх. Ол курдук, инфаркт, инсульт, маны сэргэ киһи тыҥатыгар баар тымыра бүөлэниэр диэри уустук балаһыанньаҕа киириэн сөп (тромбоэмболия легочных артерий). Ол иһин эрдэттэн сэрэтии үлэтин (профилактика) ыытабыт.
   – Варикозка үгүс киһи ыалдьар. Билигин хайдах эмтиигитий?
   – Варикоһу үгүс киһи быһыта тыытан эрэйдээбэт, боростуой ыарыы курдук өйдүүллэр. Эмтэммэккэ, бырааска кэмигэр көрдөрүммэккэ ыарыыны баалатан кэбиһэллэр. Бу биллэн турар, доруобуйа уопсай туругар охсор. Ол иһин биһиги бу ыарыыны саҥа саҕаланаатын, аһаҕас эпэрээссийэҕэ тиэрдибэккэ эрэ лазернай ньыманан эмтиир буоллубут. Ол эбэтэр ыарыһахха тымыр ыарыыта салгыы сайдарын тохтотон, иһиттэн лазерынан киирэн эпэрээссийэлиибит.
   – Эпэрээссийэ хайдах ааһарый?
   – Ыарыһаҕы эрдэттэн бэлэмниибит. Биһиги килииньикэбитигэр толору чинчийиини ааһаллар, анаалыстары туттараллар. Бу барыта эмтэнии комплексыгар толору киирэр. Эпэрээссийэ норкуоһа суох ааһар. Ыарыһах бэйэтэ кэпсэтэ сытар. Бу эпэрээссийэ ыарыыларынан норкуос көҥүллэммэт ыарыһахтарга эмиэ барсар. Онон табыгастаах.
   – Төһө кэм устата барарый?
   – Эпэрээссийэбит 30 мүнүүтэттэн 1 чааска диэри салҕанар, ыарыы төһө уустугуттан тутулуктаах.  Биир чаастан уһаабат. Холобур, бүгүн сарсыарда биир ыарыһах оҥоһулунна. Кини эрдэ  сүрэҕэр эпэрээссийэлээх эбит. Ол иһин норкуосанара соччо табыллыбат этэ. Ыарыһах бары чинчийиини барбытын, анаалыстары туттарбытын кэннэ эпэрээссийэ күнүн аныыбыт. Бэйэлэрэ кэлэллэр уонна эпэрээссийэ кэнниттэн хааман бараллар.
 

9

   Эмтээһин 5 түһүмэҕинэн барар. Бастакыта – эпэрээссийэ, иккис, үһүс түһүмэхтэргэ хаалбыт бытархай тымырдарын укуолунан ылан эмтиибит,  төрдүс түһүмэххэ  эмтэнии кэннэ бэрэбиэркэлэнэр, онтон бэһис түһүмэххэ  эмтэнии бары түһүмэҕин ааспытын кэннэ хонтуруолунай бэрэбиэркэ буолар. Хас биирдии ыарыһах туһунан кыраапыктаах. Эмтэнэн баран, сылга биирдэ кэлэн хонтуруолланаллар.
   – Эпэрээссийэ барыта бу килииньикэ иһигэр бэйэтигэр оҥоһуллар дуу?
   – Оннук. Ханна да ыраата барбакка манна бэйэтигэр оҥоробут.   
   – Эпэрээссийэ кэнниттэн кэккэ ирдэбили тутуһар буолуохтаахтар.
   – Биһиги биир кэлим эмтиир буоламмыт, эпэрээссийэ кэнниттэн ыарыһахпытыгар компрессионнай чулкуну хайдах кэтиэхтээҕэр тиийэ барытын сүбэлээн-амалаан, булан-талан биэрэбит. Ол курдук, хас биирдии киһи атаҕын 3 сиринэн мээрэйдээммит, эпэрээссийэ оҥоруохпут иннинэ компрессионнай чулкуну хайдах, төһө өр кэтиэхтээҕин, ханнык мааһынан бистэрин, эмтэри иһэрин барытын сүбэлээн, суруйан биэрэбит. Ону барытын өйдөнөр гына сахалыы быһааран биэрэбит.
   – Урут маннык ыарыылаах дьон өрөспүүбүлүкэ таһыгар баран эмтэнэллэрэ дии.
   – Москуба, Санкт-Петербург, Новосибирскай, Томскай куораттарга баран кэлэллэрэ. Биллэн турар, онно баран олорор, айанныыр улахан ороскуоттаах. Билигин килииньикэбит салалтата өйөөн, анал отделение арыйан үлэлии олорорбут Сахабыт сирин олохтоохторугар табыгастаах буолла. Ханна даҕаны ыраата барбакка, балыыһаларга хонуктаан сытан эмтэммэккэ, күнүнэн эпэрээссийэлэнэр буоллулар.
   – Түмүккэ тугу этиэҥ этэй?
   – Бу ыарыы мээнэҕэ үөскээбэт. Ыарыы кыраттан саҕаланар. Киһи барыта тымырдартан турарын быһыытынан, улахан стадияҕа тиэрдибэт гына бириэмэтигэр эмтэнэн саҕалыахха наада. Онон тымырдаргытын харыстааҥ. Атах тымыра ыарыылаах (варикозное расширение вен нижних конечностей) дьону биһиги килииньикэбитигэр кэлэн эмтэнэргитигэр ыҥырабыт.
   «Центромед» килииньикэ аадырыһа: Дьокуускай к., Яков Потапов уул. 27/1 №-дээх дьиэтэ, Гимеин тохтобула.
   Билсэр төл.: 424-222, 254-999, 257 – 333, 254-666.
   «Вконтакте» ситимҥэ страницата: vk.com/centromed_14
 
Саргылаана БАГЫНАНОВА.
Тарҕат:

Санааҕын суруй

Бүтэһик сонуннар