Дьокуускайдааҕы 3№-дээх балыыһа исписэлииһэ Афанасий Жирков доруобуйаларынан хааччахтаах дьон уонна инбэлииттэр «Абилимпикс» национальнай чөмпүйэнээттэрин «Тиис тиэхиньигэ» сатабылын күрэҕэр үрүҥ көмүс бириис хаһаайына буолла.
«Биһиги кэллэктииппит Афанасий кыайыытынан киэн туттар. Кини кыайыыта быраастарбыт дириҥ билиилээхтэрин уонна үрдүк таһымнаах идэтийиилэрин туоһулуур», - диэн балыыһа сүрүн бырааһа Светлана Давыдова үөрүүтүн үллэһиннэ.
Бу чөмпүйэнээккэ РФ 78 субъегыттан 1077 кыттааччы 40 сүрүн хайысхаҕа күрэхтэстилэр. Олор истэригэр 392 оскуола үөрэнээччитэ, 394 устудьуон уонна 291 исписсэлиис бааллар. Саха сириттэн 7 кыттааччы бириискэ тигистэ.
Сонун төрдө: Дьокуускайдааҕы 3№-дээх балыыһа пресс-сулууспата
