СӨ Тутууну уонна дьиэни-уоту кэтээн көрөр управлениетыгар Дьокуускай к. Өктөөп 50 сыла автострада 4/2 №-дээх дьиэтигэр олорор дьахтартан уунан хааччыйар тэрилтэ үлэһиттэрин сокуоннайа суох дьайыыларын туһунан үҥсүү киирбит.
2022 сыл муус устар ыйыгар тэрилтэ үлэһитэ дьахтар ууну туттубут көрдөрүүтүн сыыһа киллэрбит. Онтон сылтаан киниэхэ 21 тыһ. солкуобайдаах төлөбүр ааҕыллыбыт. Дьахтар улахан алҕас тахсыбытын туһунан тэрилтэҕэ суруйан сыл аҥаарын быһа ити суумматтан босхолоно сатаабыт уонна тугу да ситиспэтэх.
Кэтиир уорган кыттыспытын кэннэ дьахтарга ууну хааччыйыыга сыыһа аахпыт 20 тыһ. 779 солк. иэһин соппуттар.
Сонун төрдө: Госстройжилнадзор управлениетын пресс-сулууспата
