Ил Дархан Айсен Николаев Саха сирин духуобунаһын академига, норуот маастара Борис Неустроев-Мандар Ууһу кытта көрсөн «Мандар Уус» түмэли кэҥэтэр туһунан кэпсэттилэр.
Норуот маастара «Боотурдар аллеяларын», «Уус тэлгэһэтин» тутар, түмэл виртуальнай көрүҥүн оҥорор баҕа санаалааҕын уонна Моҕол ураһаны харыстыыр үрүт ирдэнэрин эттэ. Ил Дархан түмэли кэҥэтиини өйүүрүн бигэргэттэ уонна бу үөрэх, чинчийии уонна туризм киинэ буолуохтаах диэн санаатын чиҥэтэн биэрдэ. Маны сэргэ, көрсүһүүгэ 2007 с. бэчээттэммит Мандар Уус «Саха оһуора-мандара» альбомун сиһилээн саҥаттан таһаарыы көрүлүннэ.
Көрсүһүүгэ Ил Түмэн бэрэссэдээтэлин бастакы солбуйааччыта Александр Жирков, бырабыыталыстыба бэрэссэдээтэлин солбуйааччыта Сергей Местников, Баайаҕа нэһилиэгин баһылыга Роман Романов, биллэр уус Николай Егоров-Байаҕыын кытыннылар.
Сонун төрдө: СӨ Бырабыыталыстыбатын уонна Ил Дарханы пресс-сулууспата Хаарыска: Мария Васильева, ЯСИА
