РФ Бырабыыталыстыбатын Үпкэ-харчыга үнүбэрсиэтэ Арассыыйа бөдөҥ куораттарын иһигэр олох таһымын чинчийэн саамай куһаҕан куораттары быһаарбыт. Ол түмүгүнэн 53 эрэ баалы ылан, Дьокуускай уонна Чита саамай куһаҕан куораттар ааттарын ылбыттар.
Чинчийии Арассыыйа 250 тыһ. тахса нэһилиэнньэлээх 750 куоратыгар ыытыллыбыт. Олохтоохтор ортолоругар олох таһымын хас да хайысханан көрдөрөр ыйытык ыытыллыбыт. Бастыҥ куорат аатын 79 бааллаах Москуба ылбыт. Ол кэннэ 76 бааллаах Сочи уонна Грознай тахсыбыттар.
Дьокуускайы кытта тэҥнэһэ сыспыт куораттарынан 54 бааллаах Астрахань уонна 55 бааллаах Улан-Удэ, Волгоград, Кемерово куораттар буолбуттар.
Сонун төрдө: Top-RF.ru
