Киир

Киир

Бэҕэһээ, саха омук сүгүрүйэр биир чулуу киһитин, бэлитиичэскэй уонна уопсастыбаннай диэйэтэлин, саха устуоруйатын, фольклорун уонна этнографиятын үөрэтиигэ олоҕун анаабыт учуонай Гавриил Васильевич Ксенофонтов төрөөбүтэ 135 сыла бэлиэтэннэ. Экчи бу күҥҥэ Дьокуускай куорат 13 кыбаарталын саҥа уулуссатыгар (Автодорожнай уулусса хаҥас өттүнэн) кини аатын иҥэрдилэр.  

Гавриил Ксенофонтов 1888 с. тохсунньу 16 күнүгэр Арҕаа Хаҥалас (билиҥҥи Хаҥалас) улууһун 4-c Малдьаҕар нэһилиэгин Тиит Арыытыгар төрөөбүтэ. Кинини 1938 c. муус устар 22 күнүгэр Москуба к. тутан хаайбыттара уонна атырдьах ыйын 28 күнүгэр ытан өлөрбүттэрэ. Сырдык аата 1957 c. төннүбүтэ.   

Гавриил Ксенофонтов аатын сүгэр саҥа уулусса аһыллыытыгар Ил Түмэн бэрэссэдээтэлин солбуйааччы Антонина Григорьева, бар дьон дьокутааттара Мария Христофорова, Дмитрий Семенов, Алиш Мамедов, муниципальнай тэриллиилэр салайааччылара – Дьокуускай к. баһылыгын солбуйааччы Владимир Аржаков, Хаҥалас улууһун баһылыга Олег Иринеев, аймахтара – педагогическай үлэ бэтэрээнэ Рейнида Петрова уонна Дьааҥы улууһун бочуоттаах олохтооҕо, РФ уонна СӨ үтүөлээх бырааһа Наталья Котельникова кытыннылар.

IMG 5070

Хаҥалас улууһун баһылыга Олег Иринеев олохтоохтор ааттарыттан Дьокуускай к. баһылыга Евгений Григорьевка уонна Дуума бэрэссэдээтэлэ Альберт Семеновка улуустан киирбит этиини өйөөбүттэригэр махтанна.

СӨ суруналыыстарын сойууһун чилиэнэ Ермолай Скрябин Ил Түмэн бэрэссэдээтэлин солбуйааччы Антонина Григорьеваҕа Г.В. Ксенофонтов аата саҥа уулуссаҕа иҥэриллэригэр күүскэ үлэлэспитин иһин махтанна.

Сонун төрдө: Дьокуускай к. уокуруктааҕы дьаһалтатын пресс-сулууспата

 

Тарҕат:

Санааҕын суруй