Киир

Киир

Ааспыт сыллааҕы үлэтин отчуотун Дьокуускай к. баһылыга Евгений Григорьев Гагаринскай уокуруктан саҕалаата.

Кини иһитиннэрбитинэн, Кузьмин уулуссатыгар 240 миэстэлээх  «Северная сказка» уһуйаан, Можайскай уулуссатыгар «Газпром» бырагырааматынан сөтүөлүүр уонна хаҥкылыыр сирдээх эти-сиини эрчийэр уонна чэбдигирдэр уораҕай тутуллан үлэҕэ киирбит. Маны сэргэ, 38 №-дээх оскуола салҕааһыныгар тутуу-таҥыы үлэтэ ыытыллыбыт, 600 миэстэлээх поликлиниканы уонна Кузьмин уул. 24/1 №-дээх дьиэтин тутуу саҕаламмыт.

«Куттала суох хаачыстыбалаах суоллар» национальнай бырайыак чэрчитинэн Авиатордар уулуссаларын кэрчигин өрөмүөннээбиттэр.  Барыта холбоон 15 тиэргэни, Кыайыы пааркатын «Патриот» аллеятын саҥардан оҥорбуттар. Можайскай уул. «Стерх» успуорт уораҕайын тиэргэнигэр успуорт былаһааккатын туппуттар. Ону таһынан, Сибэтиэйдэр храмнара тутулла турар.

«Сырдык киин куорат» бырагыраама чэрчитинэн улахан үлэ ыытыллыбыт. Ол курдук, Христофор Махсыымап уулуссатыгар 1,6 км уһуннаах уот лиинийэтэ тардыллыбыт, 50 сырдатар тэрил таҥыллыбыт,  Газомагистральная уулусса уотунан хааччыллыбыт.

Өрөспүүбүлүкэтээҕи хаарбах уонна саахалланар туруктаах дьиэлэртэн көһөрүү бырагырааматынан 21 кыбартыыраттан 71 киһини көһөрбүттэр.  Өктөөп 50 сыла уулусса 16 №-дээх дьиэтин көтүрбүттэр.

Түмүккэ, баһылык Евгений Григорьев саҥа сылга туох үлэ барыахтааҕын кэпсээтэ, олохтоохтор санааларын иһиттэ. Отчуот тохсунньу 16 күнүттэн олунньу 8 күнүгэр диэри бары уокуруктарга ыытыллар.

Сонун төрдө: Дьокуускай к. уокуруктааҕы дьаһалтатын пресс-сулууспата

Тарҕат:

Санааҕын суруй

Бүтэһик сонуннар