Киир

Киир

Саҥа ирдэбилинэн, тохсунньу 27 күнүттэн Казахстаҥҥа ЕАЭС дойдуларыттан, ону сэргэ Арассыыйаттан, кэлбит дьон 90 күнтэн уһуннук сылдьыа суохтаахтар.

Маннык хааччах киирэ илигинэ, Казахстан миграннара визаран диэн ньыманы туһанан уһуннук сылдьаллара, олороллоро даҕаны. Ол эбэтэр,  кыраныыссаны туораан баран төттөрү киирэллэрэ уонна сылдьар күннэрин саҥаттан аахтараллара.   

Аны, Казахстаҥҥа тастан киирбит киһи 90 эрэ күн сылдьара көҥүллэнэр. Бу болдьоҕу кэстэҕинэ, кини саҥаттан киирэр бырааба сарбыллар.  Үлэ, үөрэх, биисинэс, ыал буолуу төрүөтүнэн кылгас болдьоххо олорор көҥүлү ылбыт дьоҥҥо бу хааччах туттуллубат.  

Өрөспүүбүлүкэ тоҕо маннык ирдэбили киллэрбитин өйдүөххэ сөп. 2022 сылга Казахстаҥҥа тас дойдуттан 5,6 мөл. тахса киһи киирбит. Балартан 2,9 мөл. – Арассыыйа олохтоохторо. Өрөспүүбүлүкэ ИДьМ  миграционнай сулууспатын кэмитиэтин бэрэссэдээтэлэ Аслан Аталыков эппитинэн, балаҕан ыйын бүтүүтэ кэлбит 406 тыһ. Арассыыйа олохтооҕуттан  150 тыһ. олоро хаалбыт. Бу дьонтон 36 тыһ. быстах кэмҥэ олорор көҥүл ылбыттар.

Саҥа ирдэбил олоххо киирдэҕинэ, олорорго көҥүлэ суох биир дойдулаахтарбыт Арассыыйаҕа төннөн кэлэргэ күһэллииһиктэр.

Сонун төрдө: https://www.kommersant.ru

Тарҕат:

Санааҕын суруй

Бүтэһик сонуннар