СӨ Ил Дарханын дьаһалтатын бэрэссэдээтэлэ Георгий Михайлов уонна бырабыыталыстыба үлэһиттэрэ бүгүн «Боотур» этэрээт байыастарын анал байыаннай дьайыыларга атаардылар.
Этэрээт хамандыыра Александр Колесов боотурдары байыаннай дьайыылар бэтэрээннэрэ уонна уопуттаах инструктордар бэлэмнээбиттэрин эттэ.
«Боотур» байыаннай бэлэмнэнии киинигэр боотурдары икки ый устатыгар сэрии сэбин туттарга, бааһырбыттары тиэйэргэ, суһал көмөнү оҥорорго үөрэттилэр, тактическай өттүнэн бэлэмнээтилэр. Байыастар хааччыллыылара үчүгэй, Аҕа дойдуну көмүскүүргэ бэлэмнэр, санаалара бөҕөх», — диэн кини бэлиэтээтэ.
Георгий Михайлов, байыастарга түмсүүлээх буолууну баҕаран туран, өрөспүүбүлүкэ байыастары уонна дьиэ кэргэттэрин бары өттүнэн өйүөҕэ диэн эрэннэрдэ.
Сонун төрдө: CӨ Бырабыыталыстыбатын уонна Ил Дарханын пресс-сулууспата
