Тохсунньу 16 күнүттэн олунньу 5 күнүгэр диэри, Бүтүн арассыыйатааҕы үөрэтэр бырайыак чэрчитинэн, Саха сирин 1-11 кылаастарын үөрэнээччилэрэ метеорология IT-идэлэрин кытта билсиэхтэрэ.
Уруокка метеорология дааннайдарын хайдах туһанары, халлаан туругун хайдах быһаарары, метеоролог, дааннай инженерэ, дааннай аналитига, суоттаан таһаарар математика исписэлииһэ, массыына үөрэҕин исписэлииһэ уонна бырайыак менеджерэ тугу үлэлииллэрин кэпсиэхтэрэ. Аһаҕас уруогу СӨ Наука уонна үөрэх, Сыыппара министиэристибэтин бэрэстэбиитэллэрэ ыытыахтара.
Уруоктар 10 мүнүүтэттэн 30 мүнүүтэҕэ диэри уһуннаахтар. Сорудахтар, үөрэнээччи сааһынан көрөн, үс сүһүөххэ арахсаллар: алын сүһүөх, орто уонна үрдүкү. Оҕо дьарыгы күн хайа баҕарар кэрчигэр ааһыан сөп: учууталы кытта оскуолаҕа эбэтэр дьиэҕэ бэйэтэ уонна төрөппүттэрин кытта.
Матырыйаалларга https://урокцифры.рф/pogoda сигэнэн киириэххэ сөп.
Сонун төрдө: CӨ Бырабыыталыстыбатын уонна Ил Дарханын пресс-сулууспата
