Киир

Киир

Өрөспүүбүлүкэ салалтата кэлэр сылларга Строительнай уокурук «2а», «2б», «2г», «4а», «4б», «4в», «17» кыбаарталларын кэлимник сайыннарарга быһаарда. Барыта холбоон 53,16 га иэннээх сиргэ улахан тутуу барыаҕа. Манна икки этээстээх, элбэх кыбартыыралаах 165 мас дьиэ көтүллүөхтээх, ол иһигэр – 139 сууллар туруктаах.

Тохсунньу 18 күнүгэр уокурук салалтата Ыстаарысталар сүбэлэрин кыбаарталы тутуохтаах тэрилтэ салайааччын кытта көрүһүннэрдэ. Сүбэ кыттыылаахтара кыһалҕалаах боппуруостары быһаарыыга уонна нэһилиэнньэни кытта үлэҕэ көмөлөһүөх буоллулар.  

«Өрөспүүбүлүкэтээҕи ипотека ааҕыныстыбата» АУо сүрүн дириэктэрэ Владимир Трегубов Строительнай уокурукка «Спортивнай» диэн аныгы моһуоннаах түөлбэни тутаары бэлэмнэнэллэрин туһунан иһитиннэрдэ. Манна 52 үрдүк мэндиэмэннээх, элбэх кыбартыыралаах дьиэ, эбии бөлөхтөрдөөх оҕо уһуйаана, 990 миэстэлээх оскуола уонна атын социальнай эбийиэктэр баар буолуохтара.  

Сонун төрдө: Дьокуускай к. Строительнай уокуругун быраабата.

Тарҕат:

Санааҕын суруй

Бүтэһик сонуннар