Бүгүн Дьокуускай к. аэропордугар Оперштаб бэрэссэдээтэлин солбуйааччы, Судаарыстыбаннай хааччыйыы кэмитиэтин бэрэссэдээтэлэ Дмитрий Лепчиков анал байыаннай дьайыыларга сылдьан бааһыран кэлбит байыастары көрүстэ.
Манна оҕотун иккистээн көрсө сылдьар аҕа баар. Кини уолун туһунан кэпсээтэ: «Бүгүн миэхэ улахан уолбун иккистээн көрсөр долгутуулаах күн. Оҕом сулууспалыырын тухары биирдэ даҕаны үҥсэргээбэтэ, муҥатыйбата. Ордук биһиги туспутугар долгуйар. Төгүрүктээһинтэн доҕотторун таһааран хорсун быһыыны оҥорбута. Биһиги кининэн киэн туттабыт. Миэхэ байыаннай чаастан билбэт дьонум суруйан үтүө киһини ииппитим иһин махтаналлар», – диэн амарах аҕа үөрүүтүн үллэһиннэ.
Байыастар олохтоох мэдиссиинэ тэрилтэлэригэр реабилитация кууруһун ааһыахтара.
Сонун төрдө: CӨ Бырабыыталыстыбатын уонна Ил Дарханын пресс-сулууспата
