Уруккута оройуоҥҥа, өрөспүүбүлүкэҕэ биллэр бастыҥ үлэһиттэрдээх Солоҕон нэһилиэгин саҥа талыллыбыт, анаммыт салалтатын биир сыллаах үлэтин отчуоттаатылар.
Мунньахха сылдьыбыт дьон бука бары саҥа талыллыбыт нэһилиэк баһылыга Александра Павловна Александрова отчуоту саҥа анаммыт үлэһиттэрин, тэрилтэ салайааччыларын, нэһилиэк активтарын түмэн, аныгы технологияны туһанан, бэрт сонуннук, сэргэхтик баһылаан-көһүлээн ыытта. Солоҕоҥҥо Сомоҕолоһуу сыла биллэриллибитин бэрт сөптөөҕүнэн ааҕан, биһирээн, бэйэлэрин санааларын В.Н. Дьяконова, Л.Н. Прохорова, А.Н. Семенова, Т.Н. Корякина, Т.Р.Тарасова, о.д.а. нэһилиэкпит урукку үтүө аатын эргитэригэр сүбэ-ама биэрдилэр.
Отчуоту кэпсэтээччилэр ис сүрэхтэн тахсар сүбэлэрин-амаларын, сайдам санааларын истэ олорон, нэһилиэк бары олохтоохторо сомоҕолоһон, биир өйүнэн санаанан Ил Дархаммыт А.С. Николаев биллэрбит үлэ сылыгар, “Норуот күүһэ – көмүөл күүһэ” диэн өс хоһооно этэрин курдук, үлэ-хамнас үтүө түмүктэрдээх буолуоҕар эрэлим улаатта. Ол түмүгэр маннык хоһоону суруйдум.
Үүнэ-сайда бу дойдугаБиллибэккэ – көстүбэккэБириэмэ ааһар көтөрдүү,Маннык сайдыылаах үйэҕэМүнүүтэ даҕаны күндү...Үлэлиэххэ, үөрэниэххэҮлүмнэһэ эдэр сааска,Үчүгэйи үксэтиэххэҮүнэ сайда бу дойдуга...Ыарахантан чаҕыйбаккаЫстаал курдук хатарылллыах,Кыайыылартан уостубаккаКуруук үрдүккэ талаһыах!
