Олунньу 1 күнүттэн атырдьах ыйын 1 күнүгэр диэри Арассыыйаҕа болдьоҕо ааспыт бородууксуйа атыыга тахсарын тохтотор, ону сэргэ сокуоннайа суохтук кэлбит табахтаах уонна никотиннаах бородууксуйаны булар систиэмэни тургутан көрүөхтэрэ. Ол туһунан уураахха РФ Бырабыыталыстыбатын бэрэссэдээтэлэ Михаил Мишустин илии баттаата.
Эспэримиэҥҥэ үүт бородууксуйа сорох көрүҥнэрэ (ол иһигэр оҕолорго анаммыт), иһиккэ кутуллубут ыраас уонна минеральнай уу, пиибэ уонна намыһах кыраадыстаах утахтар кыттыахтара. Маны таһынан, табахтаах уонна никотиннаах бородууксуйаны кэтээн көрүөхтэрэ.
Болдьоҕо ааспыт уонна көҥүлэ суох бородууксуйаны «Честный знак» систиэмэ көмөтүнэн булуохтара. Эспэримиэҥҥэ баҕалаах эрэ маҕаһыыннар кытталлар. Бу ньыма үчүгэйэ бигэргэннэҕинэ, сотору кэминэн олоххо киириэҕэ. Оччоҕо сокуону кэһии тахсара аҕыйыа.
Сонун төрдө: “Арассыыйа бырабыыталыстыбата” телеграм-ханаал
