Киин куоракка “Байыаннай чаас” кыбаарталга (“Звёзднай” микрорайон) элбэх кыбартыыралаах дьиэлэри тутуу салҕанар. Бу саас саҥа кыбартыыра күлүүһүн саахалланар кутталлаах дьиэҕэ олорор 500 ыал ылыаҕа.
Билигин манна дьону көһөрүүгэ анаммыт А сектор биэс дьиэтэ тутуллан бүтэн эрэр. Тутуу хаачыстыбатын Дьокуускайдааҕы Дьиэ-уот сыһыаннаһыытын департамена көрө-истэ сылдьар. Сотору кэминэн манна поликлиника, оскуола, уһуйаан уонна успуорт саалалалаах сабыылаах хатыыска тутуута саҕаланыа. Түөлбэ бүттүүн иэнэ - 68 га. Манна барыта 11 тыһыынча киһи олороро сабаҕаланар.
2027 сылга диэри кыбаарталга 30 элбэх кыбартыыралаах уонна 36 блоктарынан холбоспут дьиэлэри тутуохтаахтар. Манна дьиэ атыылаһыан баҕалаахтар «Дальневосточная ипотека», «Льготная ипотека», «Семейная ипотека» бырагыраамаларынан чэпчэтиилээх кирэдьиити туһаныахтарын сөп.СӨ Бырабыыталыстыбатын уонна Ил Дарханын пресс-сулууспата
