Олунньу 4 күнүгэр Аан дойдутааҕы Араагы сэрэтэр күн бэлиэтэнэр. Онон сибээстээн, Өрөспүүбүлүкэтээҕи онкологическай диспансерга онколог-быраас уонна онкогинеколог-быраас бары баҕалаахтары көрүөхтэрэ.
Кэлбит дьонтон онкомаркердарга анаалыс ылыахтара (аччык искэ кэлэр ирдэнэр), ирдэнэр түгэнигэр УЗИ-диагностика оҥоруохтара. Көрдөрүнүөн баҕалаахтары Стадухин уул. 81 №-дээх дьиэтин 1 корпуһугар ыҥыраллар (киирии киин аанынан). Поликлиникаҕа 8 (968)154-07-70 нүөмэринэн суруйтарыахха сөп (салгыы 1 эбэтэр 2).
Маны таһынан, олунньу 4 күнүгэр куорат атын балыыһаларыгар эмиэ араакка бэрэбиэркэлэнэ тиийиэххэ сөп:
1. Дьокуускайдааҕы 2 №-дээх балыыһа (Кузьмин уул. 3 №-дээх дьиэтэ). Билсэр төл.: 8 (924) 660-95-65, сall-киин: 122).
2. Дьокуускай куораттааҕы балыыһата (Лермонтов уул. 121 №-дээх дьиэтэ. Билсэр төл.: 507-507, сall-киин: 122-3-0-2
3. Дьокуускайдааҕы Мэдиссиинэ киинэ (Кальвица уул. 3 №-дээх дьиэтэ). Билсэр төл.: 508-805, сall-киин: 122 (салгыы 3 эбэтэр 4).
4. Дьокуускай 1 №-дээх поликлиниката (Киров уул.19 №-дээх дьиэтэ, сall-киин: 122).
Маннык аахсыйалар уонна приёмнар улуустарга эмиэ буолаллар.
Сонун төрдө: CӨ Бырабыыталыстыбатын уонна Ил Дарханын пресс-сулууспата