Киир

Киир

СӨ прокуратуратын коллегиятын мунньаҕар Саха сиригэр ааспыт сылга 500 тулаайах оҕо дьиэнэн хааччылынна диэн Арассыыйа генеральнай прокурорун солбуйааччыта Дмитрий Демешин иһитиннэрдэ.

Кини бэлиэтээбитинэн, өрөспүүбүлүкэҕэ уочаракка турар  тулаайах оҕо ахсаана, Уһук Илин атын регионнарыгар тэҥнээтэххэ, хас да төгүл аҕыйах. Холобура, Бурятияҕа уочаракка 5 тыһ., Забайкальеҕа 7 тыһ., Хабаровскайга – 4 тыһ. тулаайах оҕо турар буоллаҕына, Саха сиригэр - 1 220.

Дмитрий Демешин өрөспүүбүлүкэ былааһын уорганнара сотору кэминэн ити оҕолору барыларын дьиэнэн хааччыйалларыгар эрэнэрин биллэрдэ. Ону сэргэ,  Арассыыйа бэрэсидьиэнин хонтуруолугар сылдьар 3 «долгостройу» бу сылга түргэнник тутан бүтэрэн, манна харчы укпут 2443 киһи кэһиллибит быраабын сөргүтэргэ соруйда.  Манна былаас уорганнара уонна  прокуратура  бииргэ үлэлиэхтээхтэр диэн кини  тоһоҕолоон эттэ.

Сонун төрдө: СӨ Прокуратуратын пресс-сулууспата

Санааҕын суруй

Бүтэһик сонуннар