Болгария София куоратыгар тохсунньу 30 күнүттэн олунньу 5 күнүгэр диэри ыытыллыбыт «Миссис Вселенная — 2022» күрэскэ Удмуртия олохтооҕо, 34 саастаах Елена Максимова кыайыылаах таҕыста. Быйылгы күрэс финалыгар барыта 120 дьахтар киирбит, ол иһигэр Кытай, Япония, Индия, Белоруссия, Украина, Германия уонна АХШ.
Елена Удмуртия Гыя бөһүөлэгэр төрөөбүт. Билигин Ижевскэй куоракка олорор уонна тыллары үөрэтэр киин ситимин салайар. Бу күрэскэ кини иккис кыттыыта. Ол курдук, 2021 cыллаахха Елена «Иккис вице-миссис Россия — Вселенная» буолбута.
Бу аан дойду таһымнаах күрэһи 2007 сылтан Mrs. Universe LTD диэн болгариятааҕы хампаанньа тэрийэн ыытар. Манна кэргэннээх, арахсыбыт уонна огдообо 18-тан 55-гэр диэри саастаах дьахталлар кыттыахтарын сөп. Ааспыт сыллааҕы күрэскэ Грузия аатыттан Санкт-Петербургтан төрүттээх Анна Кудрявцева-Сирадзе кыайбыт эбит. Онно Омскай олохтооҕо Ирина Рягузова «Бастакы вице-миссис Вселенная» буолбут.
Сонун төрдө: https://www.rbc.ru
