Киир

Киир

Арассыыйа биир бөдөҥ Azimut Hotels  гостиница ситимэ үгэс буолбут «AZIMUT Зажигает сердца»  аахсыйатын  Тапталлаахтар күннэригэр ыытыаҕа. Бу аахсыйанан гостиница социальнай миссиятын  толорор. Ол курдук, «Юна», «Онкологика» аһымал пуондаларыгар уонна «ЛизаАлерт» көрдүүр-быыһыыр этэрээккэ көмөлөһөр.

Олунньу 14 күнүгэр Дьокуускайдааҕы Azimut Hotels гостиница тас эркинигэр түннүктэр уоттарынан сүрэх «уматан» таһаарыахтара. Киин куорат олохтоохторо уонна ыалдьыттара 19:00 чаастан 20:00 диэри сырдыгынан сыдьаайар таптал бэлиэтин – уоттаах сүрэҕи кэрэхсии көрүөхтэрэ.

«AZIMUT Зажигаетсердца» флешмоб аан бастакытын 2016 сыллаахха Санкт-Петербург куоракка ыытыллыбыта. Гостиницаҕа түспүт ыалдьыттар уонна куорат олохтоохторо бу тэрээһини олус сөбүлээбиттэрэ. Онон, ити күнтэн ыла аахсыйа ситим бары гостиницаларыгар сыл ахсын ыытыллар уонна бренд быһыытынан киэҥник биллэр.

Тэрээһин социальнай ситимнэргэ #AZIMUTзажигаетсердца хештегынан тахсар.

Бэйэ кэр.

Санааҕын суруй

Бүтэһик сонуннар