Ленскэй оройуонун Орто Наахара нэһилиэгэр “Ийэ күүһэ” диэн көҕүлүүр бөлөх тэриллибитэ. Манна ааспыт сыл балаҕан ыйыттан саҕалаан анал байыаннай дьайыы кыттыылаахтарыгар көмө оҥорорго туһуламмыт аахсыйалары ыыталлар.
Нэһилиэк дьоно харчы хомуйан саллааттарга аналаах бэргэһэ, повязка тиктилэр. Нэһилиэк култууратын дьиэтин дириэктэрэ Мария Петрова уонна Анна Стручкова салайааччылаах кыргыттар бөлөхтөрө харысхаллары оҥордулар. Сорох харысхалларга кытыан уктулар. "Алгыс тыыннаах суруктар" аахсыйаҕа 98 сурук cуруллан саллааттарга барда. Суруктарга сиэл уонна кытыан уктулар.
Оскуола салайааччылара Лидия Махарова уонна Аида Никонова үлэһиттэрин кытта олус көхтөөхтүк кытталлар. Үлэни элбэх оҕолоох ийэлэр, амарах эбэлэр Екатерина Кугданова, нэһилиэк депутата Вероника Федорова сүрүннүүллэр. Нэһилиэк баһылыга Алексей Эдуардович Тартыев Ленскэй куоракка киирэн көмөбүтүн туттарар.
Орто Наахара нэһилиэгин дьаһалтатын аатыттан кыттыбыт дьоммутугар,нэһилиэк иистэнньэҥнэригэр күүстээх үлэни оҥорбуккут иһин барҕа махталбытын тиэрдэбит.
Руслана Иванова, биир биллэр иистэнньэҥ эбээбит, саллааттарга бэргэһэ тигэр
Лариса Степанова учуутал “С верой в Победу” диэн повязка тигэр
Бэйэ кэр.
