Тапталлаахтар күннэригэр киин куорат бастыҥ “AZIMUT Отель” гостиницатын түннүктэригэр улахан уоттаах сүрэх сандаарда.
Олунньу 14 күнэ Тапталлаахтар күннэрин быһыытынан аан дойду үрдүнэн киэҥник бэлиэтэнэр. Бу бырааһынньыгы ордук ыччат аймах сөбүлүүр. Бу күн тапталга билинэллэр, таптыыр киһилэрин үөрдэллэр, тапталы бэлиэтиир сүрэхтэри бэлэхтэһэллэр.
Арассыыйа биир бастыҥ “AZIMUT Отель” гостиница ситимэ сыл ахсын уоттаах сүрэҕи сандаардан, бар дьону үөрдэр. Ол курдук, бэҕэһээ Дьокуускай олохтоохторо гостиница киин уулуссаҕа тахсар түннүктэригэр кэрэ көстүүнү – таптал уотунан кытыастар сүрэҕи көрдүлэр. Бу аахсыйа көмөтүнэн гостиница салалтата «Юна», «Онкологика» аһымал пуондалары уонна поисково-«ЛизаАлерт» көрдүүр-быыһыыр этэрээти өйүүр.
Санатан эттэххэ, «AZIMUT Зажигает сердца» флешмоб аан бастаан 2016 с. Санкт-Петербург куоракка буолбута уонна бар дьоҥҥо кэрэхсэммитэ. Ити күнтэн ыла #AZIMUTзажигаетсердца аахсыйа тэрилтэ бары гостиницатыгар ыытыллар.
Фотограф: Клара Сылаас @sylaas_
Бэйэ кэр.
