Биир дойдулаахтарбыт, режиссёр Максим уонна Евгения Арбугаевтар «Выход» диэн кылгас киинэлэринэн Оскар бириэмийэ номинаннарыныын үөрүүлээх эбиэккэ кытыннылар.
Лос-Анджелеска ыытыллар бириэмийэ үөрүүлээх аһыллыытын иннинэ үгэс быһыытынан номинаннарга эбиэт (ланч) ыытыллар. Онно бириэмийэ лауреаттара көрсөн, кэпсэтэн, бэйэ-бэйэлэрин анал ааттарынан эҕэрдэлэһэллэр. Бу сыл кыттыылаахтарын иһигэр Голливуд сулустара –Анджела Бассетт, Том Круз уонна Кейт Бланшетт, ону тэҥэ режиссёр Стивен Спилберг бааллар.
«Роджер Дикинсы кытта көрсөн олус үөрдүм», – диэн Максим Арбугаев үөрүүтүн үллэһиннэ.
Санатан эттэххэ, наҕарааданы туттарыы тэрээһинэ кулун тутар 13 күнүгэр буолар, онно Максим уонна Евгения Арбугаевтар «Выход» киинэлэрэ «Бастыҥ кылгас документальнай киинэ» номинацияҕа киирсэр.
Хаартыска: Максим Арбугаев тус ситимиттэн
Бэйэ кэр.
