Саха Өрөспүүбүлүкэтин Устуоруктарын уонна кыраайы үөрэтээччилэрин cойууһа
2023 сыл муус устар 1–2 күннэригэр «Арассыыйа – мин устуоруйам» устуоруйа пааркатын дьиэтигэр «Саха сиригэр судаарыстыбаннас олохтонуута: 1922 –1941 сс.» диэн өрөспүүбүлүкэтээҕи II научнай-практическай кэмпириэнсийэ ыытылларын биллэрэр.
Буолар сирэ: Дьокуускай к., Ксенофонт Уткин уулуссатын 5 нүөмэрэ.
Кэмпириэнсиэйэ кыттыылаахтара булгуччу кэлэргит наада, онлайн буолбат.
Кэмпириэнсийэ бырагырааматыгар пленарнай мунньах уонна сиэксийэнэн үлэ маннык уо.д.а. судаарыстыбаннас олохтонуутугар сыһыаннаах тиэмэлэр киириэхтэрэ:
1. Саха АССР национальнай-судаарыстыбаннай тутулун олохтонуута:
- Саха АССР национальнай-судаарыстыбаннай аппараатын тэрийии;
- Бүттүүн сэбиэттэр сийиэстэрэ, Саха АССР Киин ситэриилээх кэмитиэтэ, Норуот хамыһаардарын сэбиэтэ, норуот комиссариаттара, олохтоох былаас уорганнара;
- Гражданскай сэрии уонна өрө туруулар бүтүүлэрэ: Пепеляев генералы үлтүрүтүү, тоҥустар бастаанньалара, конфедералистар хамсааһыннара уо.д.а.;
- Саха АССР 1925, 1926 уонна 1936 сс. Төрүт сокуоннара;
- оройуоннары тэрийии, өрөспүүбүлүкэ административнай-территориальнай боппуруостарын быһаарыы;
- маассабай эрэпириэссийэ кэмэ.
2. Саха АССР социальнай-экэнэмиичэскэй сайдыыта:
- тыа хаһаайыстыбата, НЭП;
- бырамыысыланнас төрүттэниитэ, индустриализация саҕаланыыта;
- холкуостааһын: төрүт олох уларыйыыта;
- социальнай-демографическай бэлиитикэ.
3. Саха АССР-га үөрэх, култуура уонна уопсастыбаннай олох сайдыыта:
- үөрэх тэрилтэлэрин тэрийии, ликбез;
- саха уонна аҕыйах ахсааннаах хотугу төрүт омуктар тылларынан үөрэтии;
- билим төрүттэниитэ уонна сайдыыта;
- култуурунай-сырдатар үлэ;
- эрэлиигийэни утары охсуһуу;
- физкультурнай хамсааһын уонна успуорт;
- хомсомуол, идэлээх сойуус уо.д.а. уопсастыбаннай хамсааһыннар;
- “Манчаары”, “Саха омук”, “Саха кэскилэ” култуурунай-сырдатар уонна билим уопсастыбалара;
- уус-уран самодеятельность сайдыыта;
- төрүт омуктар тылларынан национальнай литэрэтиирэ, тыйаатыр төрүттэниитэ.
Бу тиэмэлэр холобур быһыытынан бэрилиннилэр. Кыттааччылар ыйыллыбыт сылларга буолбут устуоруйабытыгар суолталаах атын да көстүүлэринэн, сабыытыйаларынан дакылаат оҥоруохтарын сөп.
Кэмпириэнсийэҕэ улуустааҕы түһүмэххэ талыллыбыт оскуолаҕа үөрэнэр үрдүкү кылаас оҕолоро, ыччаттар, устудьуоннар, кыраайы үөрэтээччилэр, билим үлэһиттэрэ, баҕалаахтар бары кыттыахтарын сөп.
Кыттарга туох ирдэнэрэ: сайаапкалары уонна тиэсистэри кулун тутар 15 күнүгэр диэри Этот адрес электронной почты защищён от спам-ботов. У вас должен быть включен JavaScript для просмотра. элэктэриэн почтаҕа ыытаҕыт.
Бастыҥ үлэлэр бэчээттэнэн тахсаллара былааннанар.
Билсэр нүөмэрдэргит: +79142741569, +79142233427 (WhatsApp)
Тэрийэр хамыыһыйа
