Кулун тутар 5 күнүгэр Дьокуускайга Ленин бэрэспиэгинэн Норуот маастарын күнүгэр анаммыт сэлэлии хаамыы буолуоҕа.
Хаамыы кыттыылаахтара өрөспүүбүлүкэбитигэр олорор араас омуктар төрүт таҥастарын кэтиэхтэрэ. Бу күн 12:00 чаастан 14:00 чааска диэри Ленин бэрэспиэгин Орджоникидзе болуоссатыттан Ленин болуоссатыгар диэри учаастага сабыллар.
Санатар буоллахха, Саха сирин норуоттарын төрүт үгэстэрин сөргүтэр, үйэтитэр уонна сайыннарар сыаллаах, 2012 сыллаахха өрөспүүбүлүкэ баһылыгын ыйааҕынан Норуот маастарын күнэ төрүттэммитэ уонна кулун тутар 5 күнүгэр ыытыллар буолбута. Бырааһынньык күн быыстапка-дьаарбаҥкалар, кэнсиэртэр, маастар-кылаастар ыытыллаллар, сэлэлии хаамыы буолар. Былырыыҥҥы хаамыыга 1200-тэн тахса киһи кыттыбыта.
Бэйэ кэр.
