«Саюри» ХЭТ салалтата Аллараа Бэстээх уонна Дьокуускай олохтоохторун Бааһынай ырыынагар уонна кууһунан атыылыыр павильоннарга атын сиртэн аҕалыллыбыт оҕуруот аһын «Саюри» киэнэ диэн албыннаан атыылыыллара биллибит.
Эһиги болҕомтоҕутугар дьону албынныыр атыыһыттар аадырыстара:
- ИП Атахонов Диёрбек Давронбекович, «Маркет +» маҕаһыын (Аллараа Бэстээх);
- ИП Абдуллаев Камолиддин, «Сайын» маҕаһыын (Марха, 3-с Набережнай, 15);
- ИП Махфузахон И., Дьокуускай Бааһынай ырыынагын 2-с этээһэ;
- ИП Рамин А., Дьокуускай Бааһынай ырыынагын 2-с этээһэ;
- ИП Арипов А., «Фрукты/овощи» павильон (Чернышевскай уул. 80);
- ИП Абдухоликов Анварали А., «Овощная точка» (Каландаришвили уул., 43).
Санатар буоллахха, «Саюри» ХЭТ тэпилииссэлэригэр оҕурсу, томат хас да көрүҥүн, биэрэс, баклажан, луук, укуруоп, петрушка, базилик, кориандр, кинза, салаат уонна клубника үүннэрэллэр. Мантан күн ахсын 7-10 туонна бородууксуйаны ылаллар. «Саюри» ХЭТ үлэһиттэрэ сүрүн болҕомтону бородууксуйа хаачыстыбатыгар уураллар.
Олохтоох «Саюри» бородууксуйата «О-город», «Ферма», «Мясной двор», «Скиф» атыылыыр ситим маҕаһыыннарыгар уонна да атын олохтоох маҕаһыыннарга атыыланар.
Сонун төрдө: Дьокуускай к. уокуруктааҕы дьаһалтатын пресс-сулууспата
