Олор истэригэр Арассыыйа билимин уонна үөрэхтээһинин тэрилтэлэрин бэрэстэбиитэллэрэ, ону сэргэ Казахстан, Киргизия, Монголия, Кытай, Индия, АХШ уонна Япония учуонайдара бааллар. Кинилэр экэниэмикэ уонна килиимэт уларыйыытын ырытан, салгыы хайдах дьаһанарга биир сүбэни тобулуохтаахтар.
Тэрээһини Дьокуускайтан олохтоох суруналыыстары кытары Индия, Турция, Вьетнам, Монголия, Италия, Испания, Греция, Ливан, Египет, Пакистан, Армения уонна Казахстан суруналыыстара сырдатыахтара.
Москубаҕа, Пекиҥҥэ уонна Астанаҕа кыттааччыларга анаан устуудьуйалары тэрийиэхтэрэ, оттон Арктика сүбэтин официальнай сайтыгар мунньахтары уонна сиэссийэлэри быһа көрдөрүөхтэрэ https://arctic-council-russia.ru/events/izmenenie-klimata-i-ekologiya-arktiki/nauchno-prakticheskaya-konferentsiya-po-voprosam-izmeneniya-klimata-i-tayaniya-vechnoy-merzloty/.
Кэмпириэнсийэни РФ Уһук Илиҥҥи региону уонна Арктиканы сайыннарыы министиэристибэтэ, СӨ Бырабыыталыстыбата уонна М.К. Аммосов аатынан Хотугулуу-Илиҥҥи федеральнай университет кыттыһан тэрийэллэр.
Тэрээһин оператора - Росконгресс пуондата.
Сонун төрдө: CӨ Бырабыыталыстыбатын уонна Ил Дарханын пресс-сулууспата
