Арктика аан дойдутааҕы оскуолатын ректора Сардаана Татаринова иһитиннэрбитинэн, 2020 с. манна Арктика биэс улууһун оҕолоро киирбит буоллахтарына, бу үөрэх дьылыгар өрөспүүбүлүкэ бары арктикатааҕы оройуоннарыттан 258 оҕо киирбит.
Кинилэри таһынан оскуолаҕа, тургутууну ааһан, Саха сирин бары муннуктарыттан оҕолор киирэллэр. Арктика оҕолоро туспа тургутууну ааһаллар. Хонуктаах оскуолаҕа оҕолор интэринээккэ олороллор, күҥҥэ биэстэ босхо аһыыллар уонна бары өттүнэн сайдаллар, киэҥ билиини ылаллар. Үөрэтэр бырагыраама бастыҥ быраактыкалары холбоон оҥоһуллубут.
Маннык оскуола бүтүн Уһук Илиҥҥи регион үрдүнэн суох. Оҕолор Арктика дойдуларын култууратын, экэниэмикэтин үөрэтэллэрин таһынан, учуонайдар салайыыларынан Хоту дойду уонна Арктика кыһалҕаларын быһаарарга туһуламмыт чинчийиилэри ыыталлар.
Сонун төрдө: CӨ Бырабыыталыстыбатын уонна Ил Дарханын пресс-сулууспата
Хаартыска: Андрей Сорокин
