Саха хорсун разведчига Василий Даниловка «Арассыыйа Дьоруойа» ааты иҥэриини өйөөн 48 538 илии баттааһына хомуллубутун туһунан РФ Бэрэсидьиэнэ Владимир Путин, Оборуона миниистирэ Сергей Шойгу уонна СӨ Ил Дархана Айсен Николаев ааттарыгар суруктар бардылар.
Маны таһынан уопсастыбаннас саха саллаатын хорсун быһыытын үрдүктүк бэлиэтиир туһунан ыҥырыыта СӨ судаарыстыбаннай сүбэһитэ Вячеслав Штыровка, сенатор Егор Борисовка уонна Госдума дьокутааттарыгар Галина Данчиковаҕа уонна Федот Тумусовка туһаайылынна.
Санатан эттэххэ, илии баттааһына Василий Данилов биир дойдулаахтара, уус алданнар, көҕүлээһиннэринэн саҕаламмыта. Уопсастыбаннай аахсыйаны Дьокуускай көхтөөх дьоно өйөөн, хаһан да буолбатах илии баттааһына ыытылынна.
Норуот көҕүлээһинин СВО кыттыылаахтара, кинилэр дьиэ кэргэттэрэ, госпитальга эмтэнэ сытар саллааттар өйөөтүлэр. Хабаровскайга Василийдыын бииргэ сулууспалаабыт байыаннайдар, Москваҕа, Санкт-Петербурга олорор сахалар кыттыстылар.Саха сирин устуоруйатыгар 48 тыһыынчаттан тахса илии баттааһына биир даҕаны боппуруоска хомулла илик.
Бэйэ кэр.
