Design by FEO диэн аатынан биллэр Феоктист Алексеев, бэйэтин YouTube-ханаалыгар сүүс тыһыынчаттан тахса сурутааччыланан, баҕалаах наҕараадатын - “үрүҥ көмүс кунуопканы" тутта. Кини ханаалыгар Unreal Engine оонньуур движокка (анал бырагыраамаҕа) оҥорбут графическай үлэлэрин таһаарар.
Салгыы Феоктист “кыһыл көмүс кунуопканы" ылар баҕалаах. Ону мөлүйүөн сурутааччылаах ханаалларга биэрэллэр. Marvel комикстарын фан-артарыттан саҕалаан видеонан үлэлэри оҥорорго үөрэммит эдэр дизайнер сыалын ситиһиэ диэн эрэнэбит. Тоҕо диэтэххэ, хайыы-үйэ аан дойду таһымнаах хампаанньалары кытта үлэлээбит Феоктист айымньыларын көрөр киһи ахсаана уонунан мөлүйүөҥҥэ тиийэр.
Санатар буоллахха, Саха сиригэр түөрт “үрүҥ көмүс кунуопкалаах" түөрт ханаал баар. Бастакынан бу наҕараадаҕа 2019 сыл тохсунньутугар «Клевая рыбалка» биэрии ыытааччыта Вячеслав Бродников тиксибитэ. 2020 сыл тохсунньутугар «Охота и рыбалка в Якутии» бырайыак, 2022 сыл тохсунньутугар Саха сирин туһунан англия тылынан кэпсиир блогер @Kiun, онтон «Саха» НКИХ ханааллара ылбыттара.
Манна даҕатан эттэххэ, тыа олоҕун кэпсиир 3 мөл. сурутааччылаах блогер @pandasakha аныаха диэри биир даҕаны "кунуопката" суох. Ол эбэтэр, бу наҕарааданы ылыыга YouTube салалтата, сурутааччы ахсаанын сэргэ, өссө атын ирдэбиллээх.
Сонун төрдө: https://yakutia24.ru
