Саха сирин Уһук Илиҥҥи уокурукка бэрэстэбиитэлистибэтин салайааччылара ааспыт нэдиэлэҕэ Хабаровскай уонна Приморскай кыраай байыаннай чаастарын командованиеларын кытта көрүстүлэр. Ол туһунан бэрэстэбиитэлистибэ салайааччытын солбуйааччы Петр Бурнашев иһитиннэрдэ.
«Муус устар 8 күнүгэр Саха сирин байыаннай сулууспалаахтарын испииһэгин чопчулаатыбыт, федеральнай төлөбүрдэргэ ирдэнэр ыспыраапкалары ылан кэтэһээччилэргэ биэрдибит. Маны сэргэ Дьокуускайтан кэлбит гуманитарнай көмөнү байыаннай чаастарга тиэртибит», – диэн кини кэпсээтэ.
Петр Бурнашев эппитинэн, бэрэстэбиитэлистибэ үлэһиттэрэ Владивосток уонна Хабаровскай аэропортарыгар бааһырбыт байыастары көрсөллөр-атаараллар, хамыыһыйаны ааһалларыгар арыаллыыллар, уочараты кэтэһэр кэмнэригэр дьиэ куортамнаһарга көмөлөһөллөр.
Бэйэ кэр.