Госдума дьокутааттара сокуоннай сааһын ситэ илик оҕоҕо вейп диэн электроннай сигаретаны атыылыыры букатын бобор туһунан сокуон бырайыагын ылыннылар. Никотиннаах эбэтэр никотина суох убаҕаһы уонна ону оборор тэрили атыылааччылар сокуоннай сааһын ситэ илик оҕоҕо көннөрү сигаретаны атыылаабыт тэҥэ эппиэккэ тардыллыахтара.
Вейп атыытын уонна рекламатын сааһылыыр кэккэ сокуоннарга сокуоннай сааһын ситэ илик оҕоҕо вейп убаҕаһын уонна тэрилин атыылыыр бобуулааҕын туһунан эбиилэр киириэхтэрэ. Ол курдук, Федерация сэбиэтигэр манна сыһыаннаах түөрт ыстатыйаҕа уларытыылары киллэрэр туһунан сокуон бырайыага көрүллүөҕэ:
- «Арассыыйаҕа оҕо быраабыгар сүрүн мэктиэлээһиннэр тустарынан»;
- «Реклама туһунан»;
- «Оҕолору доруобуйаларыгар уонна сайдыыларыгар хоромньуну оҥорор информацияттан харыстыыр туһунан»;
- «Дьон доруобуйатын табах буруотун дьайыытыттан, табаҕы тардыы эбэтэр никотиннаах бородууксуйаны туһаныы содулуттан харыстыыр туһунан».
Киин таһаарыылар суруйууларынан бэйэ кэр.
