Бу күннэргэ “Саханефтегазсбыт” аахсыйалаах уопсастыба “Баатаҕайдааҕы ньиэп базата” филиалын сиригэр ньиэп уонна ньиэп бородууктата (кылгатыллыбыта – ПЛАРН) тохторун сэрэтэргэ уонна ону туоратарга анаммыт үөрэҕи тэрийдэ.
Ол курдук, үөрэх кэмигэр ыстаалтан оҥоһуллубут туруору резервуар (РВС-2000) улаханнык алдьаннаҕына-кээһэннэҕинэ, ньиэп бородууктата тохторун туоратар тэрээһиннэр буоллулар. Киэҥ далааһыннаах үөрэтиигэ “Баатаҕайдааҕы ньиэп базата” филиал гражданскай оборуонаҕа (НФГО) тэрээһиннэри ыытар ыстааты таһынан холбоһук ыксаллаах бөлөҕүн уонна саньытаарынай пуостарын сэргэ “Газпассервис” газоспасательная служба” ХЭУо анал идэлээх суһал-быыһыыр холбоһук исписэлиистэрэ кытыннылар. Бу тэрилтэни кытта “Саханефтегазсбыт” АУо суһал-быыһыыр көрүүгэ-истиигэ дуогабар түһэрсибитэ. Маны таһынан үөрэтиигэ Баатаҕай бөһүөлэгин баһаарынай чааһыгар (ОГПС-14) уонна Үөһээ Дьааҥы улууһун киин балыыһатын суһал көмө үлэһиттэрин кытыннылар.
“Баатаҕайдааҕы ньиэп базата” филиалга өссө биир суолталаах түгэнинэн Арассыыйа ЫБММ тэрийэр “Безопасная Арктика 2023” федеральнай таһымнаах киэҥ далааһыннаах үөрэтии чэрчитинэн РФ Арктическай зонатыгар ыксаллаах быһыыны-майгыны сэрэтэр уонна бохсор биэдэмистибэлэрдээҕи пилотнай-чинчийэр үөрэх ыытылынна.
РСЧС территориятааҕы систиэмэтин 150 кэриҥэ бэрэстэбиитэлэ кыттыылаах (ол иһигэр гражданскай оборуонаҕа (НФГО) тэрээһини хааччыйыы уонна ньиэп базатыгар ньиэп тохтуутун туоратар аварийнай-тэхиниичэскэй бөлөх ыстааты таһынан холбоһук үлэһиттэрэ бааллар) үөрэх кэмигэр СӨ Арктическай зонатыгар ыксаллаах быһыы-майгы таҕыстаҕына, ону тохтотор суһал дьайыыны ыларга үөрэннилэр.
Үөрэх сынаарыйыгар сөп түбэһиннэрэн, 16 кубическай миэтэрэ ньиэби туһанар былааннаммыта. Ыксаллаах быһыыны-майгыны туоратар соруктаах ыытыллыбыт үөрэххэ Баатаҕайдааҕы ньиэп базатын үлэһиттэрин кытта Арассыыйа ЫБММ-тэ, өрспүүбүлүкэтээҕи быыһыыр сулууспа, Ростехнадзор Ленскэйдээҕи управление, “Газпассервис” идэтийбит суһал-быыһыыр холбоһук, өрөспүүбүлүкэтээҕи Инфокоммуникационнай технология киинэ уо.д.а. кытыннылар.
Маны таһынан “Саханефтегазсбыт” АУо Баатаҕайдааҕы ньиэп базатыгар ыытыллыбыт практическай үөрэх кэмигэр баһаарынай “рукавтар” эрэһиинэлэрин чиҥэтии, ньиэп бородууктата тохтубут содулун туоратарга “Абура” сорбент курдук өрөспүүбүлүкэ инновациялыы оҥорон таһаарыыларын боруобалаатылар.
“Саханефтегназсбыт” АУо генаральнай дриэктэрэ, СӨ норуодунай дьокутаата Виктор Николаевич Лебедев бэлиэтээн эппитинэн, “Баатаҕайдааҕы ньиэп базата” филиал ыксаллаах быһыыны-майгыны туоратар үлэни дьаһаллаахтык толороллорун, баһаарынай уонна быыһыыр тиэхиньикэлэри, анал тэриллэри сөпкө туһаналларын үөрэх кэмигэр көрдөрдүлэр.
– Биллэн турар, маннык үөрэх араас техногеннай ыксаллаах быһыы-майгы үөскүүр түгэнигэр биһиги исписэлиистэрбит төһө бэлэмнэрин көрөргө, сыаналыырга туһалыыр, – диэн өрөспүүбүлүкэ арктикатааҕы оройуоннарын ньиэп бородууктатынан соҕотоҕун хааччыйар Саха сирин биир бөдөҥ стратегическай тэрилтэтин генеральнай дириэктэрэ бэлиэтээтэ.
“Саханефтегазсбыт” АУо пресс-сэкирэтээрэ Яна Байгожаева.
Ыспыраапка: ПЛАРН бигэргэтэргэ үөрэҕи булгуччулаахтык тэрийии бэрээдэгэ “Об охране окружающей среды» и Постановлением Правительства РФ «Об утверждении Правил организации мероприятий по предупреждению и ликвидации разливов нефти и нефтепродуктов на территории РФ, за исключением внутренних морских вод РФ и территориального моря РФ” Федеральнай сокуоҥҥа сөп түбэһиннэрэн ыытылынна.
