Муус устар 27 күнүгэр бэлиэтэнэр Өрөспүүбүлүкэ күнүгэр хаамыы буолбатын санатан тураммыт, сүрүн тэрээһиннэри билиһиннэрэбит.
Ол курдук, үгэс быһыытынан Саха сирин чулуу судаарыстыбаннай уонна бэлитиичэскэй диэйэтэллэригэр сибэкки дьөрбөтүн ууруохтара. Ол иһигэр Москубаҕа А.Е. Кулаковскай уонна Санкт-Петербурга С.А.Новгородов уҥуохтарыгар.
Бырааһынньык сүрүн тэрээһининэн Дьокуускай «Арассыыйа – Мин устуоруйам» түмэлигэр «Анал байыаннай дьайыы дьоруойдара» мультимедийнай быыстапка аһыллыыта буолуоҕа. П.А. Ойуунускай аатынан түмэлгэ Ойуунускайдар өйдөбүнньүк дьиэлэригэр АҺаҕас аан күнэ ыытыллыаҕа. «Көлүөнэ – ТҮМҮҮ» уопсастыбаннас мунньаҕар судаарыстыбаннай наҕараадалары туттарыахтара.
Өрөспүүбүлүкэ күнүгэр аналлаах үөрүүлээх мунньах уонна кэнсиэр Москубаҕа СӨ Бастайааннай бэрэстэбиитэлистибэтигэр ыытыллыаҕа. Оттон Дьокуускайга Өрөспүүбүлүкэтээҕи «Саха сирин быысыпкаламмыт картата» аахсыйа буолуоҕа.
Саха тыйаатырыгар «Тулаайах оҕо» испэктээк премьератын, Үүнэр көлүөнэ тыйаатырыгар «Сахалар ааттарыттан» испэктээги, оттон Хабаровскайга «Дойти до края. Сибирский континент» устуоруйа киинэтин көрдөрүөхтэрэ.
Саха сирин уруйдаан Санкт-Петербурга Петропавловскай кириэппэс Нарышкин бастионуттан пушкаттан түөртүүрдээҕи ытыыны оҥоруохтара.
Сонун төрдө: СӨ Ил Дарханын уонна Бырабыыталыстыбатын пресс-сулууспата
