Ыам ыйын 4 күнүгэр сарсыарда Дьокуускай к. Ленин проспегар «Илин Энэр» маҕаһыыҥҥа баһаар буолан, бу дьиэ олохтоохторугар кутталы үөскэтэ сырытта. Маҕаһыын үрүт бүрүөһүнүттэн хас даҕаны кыбартыыра балконугар тиийэ сырытта. Хата, умайыыны тута умуллардылар.
Киин куорат баһылыга Евгений Григорьев тута баһаар туһунан сүбэ мунньах ыытта. Манна умайыы төрүөтүн уонна хоромньутун быһаарыстылар. Баһылык уоттан эмсэҕэлээбит кыбартыыралары уонна подъеһы көрдө, суһал көмө үлэһиттэрин иһиттэ, олохтоохтору кытта кэпсэттэ, дьиэни көрөр-харайар хампаанньаҕа, хааччыйар тэрилтэлэргэ баһаар содулун түргэнник туоратарга сорудахтаата.
Сонун төрдө: Дьокуускай к. уокуруктааҕы дьаһалтатын пресс-сулууспата
