Дьокуускайга ыам ыйын 9 күнүгэр Улуу Кыайыыны бэлиэтээһин Кыайыы болуоссатыгар «Тыыннаах устуоруйа» байыаннай тиэхиньикэ уонна сэрии сэбин быыстапкатыттан саҕаланыа.
11.00 чаастан өрөспүүбүлүкэ уопсастыбаннаһа уонна салалтата кыттыылаах «Ол улуу сылларга сүгүрүйүөх» өрөгөйдөөх церемонията ыытыллыа. «Кыайыыны аҕалбыт буойуннар» монумеҥҥа тыыннаах сибэккини ууруохтара. 11.30 чааска 1941-1945 сс. Аҕа дойду сэриитигэр Улуу Кыайыы 78 сылыгар аналлаах миитин буолуоҕа.
Салгыы 11.45 чааска Дьокуускайдааҕы гарнизон, байыаннай-патриотическай кулууптар, Дьокуускайдааҕы кадеттар оскуолаларын иитиллээччилэрэ уонна киин куорат оскуолаларын үөрэнээччилэрэ өрөгөйдөөх церемония кыттыылаахтарын иннигэр кэккэнэн хаамыахтара.
Үгэс быһыытынан сылын ахсын ыытыллар Кыайыы күнүн оһуохайа сүрүн Триумфальнай аарка аттыгар 14.00 чааска саҕаланыа. Киэһэ 20.00 чаастан улахан бырааһынньыктааҕы кэнсиэргэ сэрии кэмин ырыалара ылланыахтара. Манна СӨ ИДьМ үлэһиттэрин «02 сулууспа» ансаамбыла уонна Ю.Е. Платонов аатынан Эстрада тыйаатырын артыыстара кыттыахтара.
Сонун төрдө: CӨ Бырабыыталыстыбатын уонна Ил Дарханын пресс-сулууспата.
Сонун төрдө: CӨ Бырабыыталыстыбатын уонна Ил Дарханын пресс-сулууспата.
Хаартыска: ЯСИА
