Ыам ыйын 20 күнүгэр «Вагнер» ЧВК төрүттээччитэ уонна салайааччыта Евгений Пригожин Артемовскай (украиналыы аата Бахмут) куорат босхоломмутун туһунан бастакынан биллэрбитэ, Арассыыйа уонна Вагнер былааҕа күөрэйэрин көрдөрбүтэ.
Сарсыныгар РФ Оборонатын министиэристибэтэ куорат Вагнер ЧВК күүһүнэн, "Соҕурууҥҥу" артиллерия уонна авиация көмөтүнэн босхоломмутун бигэргэппитэ, Бэрэсидьиэн Владимир Путин вагнеровецтары уонна бары кыттыбыт байыастары эҕэрдэлээбитэ.
Евгений Пригожин иһитиннэриитинэн, Бахмукка кимэн киирии алтынньы 8 күнүгэр саҕаламмыт уонна 224 күн барбыт. Кини эппит сыыппараларыттан аҕаллахха:
▪️ ВСУ 21 биригээдэтин үлтүрүппүттэр;
▪️ ВСУ 10 биригээдэтин сэриилэһэр күүһүн эспиттэр;
▪️ ВСУ 57 000 сулууспалааҕын суох гыммыттар уонна 85 000 бааһырдыбыттар;
▪️ ВСУ 10 000 тиэхиньикэтин уонна сэриилэһэр сэбин суох гыммыттар;
▪️ ВСУ 50 самолетун уонна бөртөлүөтүн суулларбыттар;
▪️ 6,5 тыһ. наемнигы суох гыммыттар;
▪️ 35 000 тахса сэрии сэбин былдьаабыттар.
Артемовскайы ылыыга кыттыбыт «Вагнер» ЧВК байыастарын ыам ыйын 25 күнүттэн саҕалаан сынньата ыытыахтара. Куорат оборонатын байыаннайдарга биэриэхтэрэ.
Бэйэ кэр.
