Киир

Киир

СӨ норуодунай суруйааччыта Семён Титович Руфов - Сэмэн Уруукап уонна кини кэргэнэ Арассыыйа үөрэҕин туйгуна, СӨ үөрэҕин үтүөлээх үлэһитэ Мария Спиридоновна Арбыкина ааттарын үйэтитии пуондата, Үөһээ Бүлүү улууһун Тамалакаан нэһилиэгин дьаһалтата, «Кыым» хаһыат уонна «Күрүлгэн» сурунаал эрэдээксийэлэрэ оонньуулаах хоһоону, көрдөөх кэпсээни суруйууга айар күрэҕи биллэрдилэр. Күрэх тосхолун, ирдэбилин санатабыт.

  • Хоһоонунан айымньы (көрдөөх хоһоон, эпиграмма, пародия, үгэ, эҕэ, о.д.а.) кээмэйэ 100 субурҕаттан, оттон кэпсээн кээмэйэ, арыттарын ааҕан туран, 10 000 бэлиэттэн тахсыа суохтаах.
  • Күрэхчит эрдэ бэчээттэммэтэх бэйэтин айымньытынан кыттар. Сааһа 16-тыттан үөһэ буолуохтаах.
  • Айымньыны Этот адрес электронной почты защищён от спам-ботов. У вас должен быть включен JavaScript для просмотра. элэктириэн почтаҕа бу сыл бэс ыйын 4 күнүгэр диэри Word көрүҥүнэн ыытыллар. Сахалыы бичиги туттуу булгуччулаах.
  • Күрэх сабыылаах, ол аата, дьүүл сүбэтэ кыттааччылар ааттара ыйыллыбатах айымньылары көрөн түмүк таһаарыаҕа.
  • Кыайыылаахтар Тамалакааҥҥа, Сэмэн Уруукап үрдүк аатыгар анаан, бэс ыйын 23 күнүгэр ыһыллар ыһыахха ааттаныахтара, анал биһирэбили тутуохтара.
  • Бастыҥ уонна талыллыбыт айымньылар «Кыым» хаһыакка, «Күрүлгэн» сурунаалга бэчээттэниэхтэрэ.

Бүгүҥҥү туругунан 7 хоһоон, 9 кэпсээн киирдэ. Үлэлэри бэс ыйын 4 күнүгэр диэри ыйыллыбыт аадырыһынан тутабыт.

Тэрийэр сүбэ.

Тарҕат:

Санааҕын суруй