Бүгүҥҥү туругунан өрөспүүбүлүкэҕэ 231 бастакы уонна иккис группалаах аҕам саастаах инбэлииккэ 217 иитиэх дьиэ кэргэн тэриллибит. Маннык ньыманы туһаныы аҕам саастаах дьон соҕотохсуйуутун сэрэтэр, кинилэргэ үчүгэй көрүүнү-харайыыны хааччыйар уонна стационарга уочараты аҕыйатар.
Иитиэх дьиэ кэргэҥҥэ киирбит дьонтон 27 киһи Аҕа дойду сэриитин бэтэрээнигэр тэҥнэһэр статустаах, 7 киһи 40-тан 55-кэ диэри саастаах уонна I эбэтэр II группалаах инбэлиит. Аҕам саастаахтар орто саастара 66-82 буолар, саамай кырдьаҕастара 96 саастаах. Кинилэр бары доруобуйаларын туругунан көрүүгэ-харайыыга наадыйаллар.
Социальнай өҥөтө суох сатаммат киһини букатын эбэтэр быстах кэмҥэ иитэ ылыы иһин ыйдааҕы төлөбүр 22 154 солк. тэҥнэстэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: СӨ Үлэ уонна социальнай сайдыы министиэристибэтин пресс-сулууспата
