Ушуга Аан дойду, Европа уонна Арассыыйа чөмпүйүөнэ, тириэньэр Эдгар Тобуков 1 №-дээх көннөрөр холуонньаҕа сырытта. Кини буруйдаммытарга сүһүөх уонна тыын гимнастикатыгар маастар-кылаас ыытта.
Дьарык кыттыылаахтара биллиилээх спортсментан былчыҥы бөҕөргөтөр, эти-сиини эрчимирдэр, ис туругу тупсарар, чэбдигирдэр хамсаныылары биллилэр. Эдгар Тобуков успуорка хайдах ситиһиилэммитин кэпсээтэ уонна буруйдаммыттары сырдык санаанан салайтаран чөл олоҕу тутуһарга, сөптөөх суолунан барарга ыҥырда.
Бу күн буруйдаммыттарга Бүтүн Арассыыйатааҕы физкультура-успуорт комплексын «Үлэҕэ уонна оборонаҕа бэлэммин» бэлиэтин туттарыы буолла.
Сонун төрдө: Саха сиринээҕи УФСИН пресс-сулууспата
