Арассыыйа киин ситимнэрэ бүгүн Москуба куоракка пилота суох көтөр аппараттар (салгыы – дрон) ааҥнаан киирбиттэрин туһунан суруйдулар. Улаханнык эчэйбит дьон суох эрээри, икки киһиэхэ быраас көмөтө ирдэммит.
Мэр Собянин иһитиннэрбитинэн, 13 эстэр тэриллээх дрону көтөн истэҕинэ суулларбыттар (Рублевка, Красногорскай, Истринскэй, Саҥа Москуба оройуоннарыгар), оттон 3 дрон олорор дьиэлэргэ кэлэн түспүттэр (Ленинскэй проспегар, Профсоюзнай, Атласов уулуссаларга). Саба түһүүгэ Украинаҕа оҥоһуллар UJ-22 Airborne Дрон баара билиннэ. Бу аппарат 800 км тиийэ ыраахха көтөр кыахтаах.
Дроннар түспүт сирдэригэр сапердар үлэлии сылдьаллар. Сорох дьиэ олохтоохторун быстах кэмҥэ көһөрдүлэр. Мэр Собянин «Москубаҕа ПВО систиэмэтэ үчүгэйдик үлэлиир, онон наһаа уолуйумаҥ» диэн олохтоохтору уоскута сатаата.
Хаартыска: "ВЕСТИ" тлг-ханаал
Бэйэ кэр.
