Бырабыыталыстыба бэрэссэдээтэлэ Андрей Тарасенко илии баттааһыннаах “CӨ Бырабыыталыстыбатын иһинэн өрөспүүбүлүкэтээҕи саха тылын терминологиятын хамыыһыйатын тэрийии туһунан” дьаһал бэс ыйын 6 күнүгэр таҕыста.
Хамыыһыйа үлэтин бырабыыталыстыба бэрэссэдээтэлин солбуйааччы Сергей Местников салайар буолла. Сүүрбэ киһилээх хамыыһыйаҕа учуонайдар, норуот дьокутаата, уопсастыбанньыктар, суруналыыстар киирдилэр. Олор истэригэр «Кыым» хаһыат сүрүн эрэдээктэрэ Иван Гаврильев баар.
Онон, мантан ыла сахалыы тиэрмини олох бары эйгэлэригэр сааһылыыр, бигэргэтэр үлэ тиһиктээхтик уонна тэтимнээхтик барар чинчилэннэ. Дьокутаат Павел Ксенофонтов этэринэн, тиэрмин хамыыһыйатын тэрийиини туруорсуу сэттэ сылы быһа барбыт.
Бэйэ кэр.
